சனி, 11 டிசம்பர், 2010

சர்தார்ஜி பில்கேட்ஸுக்கு எழுதிய கடிதம்

யாரோ சுட்ட வடை, (நகைச்)சுவையாய் இருக்கு!. வாங்க நாமளும் சேர்ந்து கொறிப்போம்! பி.கு: திருட்டிலேயே மிக மோசமான திருட்டு சிந்தனை திருட்டு தான். ஆனால் சில நேரங்கள்ல அநாமத்தா கிடைக்கிற பொருளை தத்தெடுக்கிற மாதிரி இந்த நகைச்சுவை உணர்வு ததும்பும் சர்தார்ஜி கடிதத்தை தத்தெடுத்து தவழ விடுகிறேன். இக்கடிதத்தை மின் - அஞ்சல் மூலம் பகிர்ந்த திரு. பார்த்திபனுக்கு நன்றி! நகைச்சுவையுடன் எழுதிய அந்த முகம் தெரியாத மூலகர்த்தாவிற்கு நன்றியோ நன்றிகள்!





ஐயா,


சமீபத்தில் ஒரு கம்ப்யூட்டரும் விண்டோஸ் சாப்ட்வேரும் வாங்கினோம். அதில் சில பல பிழைகள் உள்ளதாக அறிகிறோம். அவற்றை உங்கள் கவனத்திற்கு உடனடியாகக் கொண்டு வருவதில் மிக்க பெருமிதமடைகிறோம்.



1. இண்டெர்நெட் கனெக்ட் செய்தபிறகு, ஹாட்மெயிலில் அக்கவுண்ட் உருவாக்க முயற்சி செய்தோம். ஃபார்மில் எல்லா விபரங்களையும் சரியாகக் கொடுத்துவிட்டோம். ஆனால் பாஸ்வேர்ட் கேட்குமிடத்தில் நாங்கள் என்ன டைப் செய்தாலும் ***** என்று மட்டுமே தெரிகிறது. நாங்கள் இங்கு லோக்கல் சர்வீஸ் எஞ்சினியரிடம் விசாரித்ததில், அவர் கீபோர்டைச் செக் பண்ணிவிட்டு கீபோர்டில் ப்ராப்ளம் இல்லை எனக்கூறிவிட்டார். எனவே இதை விரைந்து சரிசெய்யுங்கள்.




2. விண்டோஸில் "Start" என்னும் பட்டன் உள்ளது. ஆனால் "Stop" பட்டன் இல்லை. அதையும் சேர்த்துவிடுங்கள்.



3. "Run" மெனுவை எனது நண்பர் ஒருவர் தவறுதலாகக் கிளிக் செய்து விட்டதில் அவர் சண்டிகருக்கே ரன் ஆகிவிட்டார். எனவே, அதை "Sit" என மாற்றிவிடுங்கள். அப்போதுதான் எங்களால் உட்கார்ந்து வேலை செய்யமுடியும்.



4. "Recycle Bin" என்பதை  "Rescooter Bin" என மாற்றவேண்டும். ஏனென்றால் என்னிடம் சைக்கிள் இல்லை,ஸ்கூட்டர்தான் உள்ளது.



5.  "Find" பட்டன் சரியாக வேலை செய்யவில்லை என நினைக்கிறேன்.எனது மனைவி அவளது கார் சாவியைத் தொலைத்துவிட்டதால்"Find" மெனுவிற்குச் சென்று தேடினோன். ஆனால் கண்டுபிடிக்கமுடியாது என்று கூறிவிட்டது.. இது ஒரு "Error" என நினைக்கிறேன். தயவு செய்து அதை சரிசெய்து எனது கீயைக் கண்டுபிடித்துத் தாருங்கள்.



6. தினமும் நான் தூங்கும் போது மவுஸை பூனைக்குப் பயந்து என்னுடன் வைத்துக்கொண்டு தூங்குகிறேன். எனவே "Mouse"  தரும்போது கூடவே ஒரு "Dog"  தரவும், பூனையை விரட்டுவதற்கு.



7. நான் தினமும் "Hearts"  விளையாடி ஜெயித்துக்கொண்டிருக்கிறேன். எனக்கு எப்போது நான் ஜெயித்த பணத்தைத் தருவீர்கள்? சில நேரங்களில் தோற்றிருக்கிறேன். உங்கள் பணத்தை எப்போது வந்து வாங்கிக்கொள்கிறீர்கள்?



8.என்னுடைய குழந்தை "Microsoft Word"  கற்று முடித்து விட்டான். நீங்கள் எப்போது "Microsoft Sentence" ரிலீஸ் செய்யப்போகிறீர்கள்? என்னுடைய குழந்தை மிகவும் ஆவலாக உள்ளான்.



9. நான் கம்ப்யூட்டர், மானிட்டர், கீபோர்டு, மவுஸ் என அனைத்தையும் விலைகொடுத்து வாங்கியிருக்கிறேன். ஆனால் டெஸ்க்டாப்பில் "My Computer" ஐகான் மட்டும் உள்ளது. மிச்சத்தை எங்கே?



10. என்னுடைய கம்ப்யூட்டரில் "My Pictures"  என்று ஒரு ஃபோல்டர் உள்ளது. அதில் என்னுடைய போட்டோவைக் காணவில்லையே? எப்பொழுது அதைப் போடப்போகிறீர்கள்?



11. "Microsoft Office" இன்ஸ்டால் செய்துவிட்டேன். என்னுடைய மனைவி "Microsoft Home"கேட்கிறாள். நான் என்ன செய்யட்டும்?


12. முக்கியமாக என்னுடய கம்ப்யூட்டரில் விண்டோஸ் வாங்கிய பின்னரும் ஜன்னல் இல்லை. விரைவாக அனுப்பி வைக்கவும்.



இப்படிக்கு,

விண்டோஸ் விரும்பி,

சன்சிங்


Download As PDF

4 கருத்துகள்:

சாத்தூர் சிங்கம் சொன்னது…

ஹா ஹா எல்லா ஜோக்குமே அருமையா இருக்கு....

keep rocking...

i am also in Riyadh, Saudi Arabia..

சாத்தூர் சிங்கம் சொன்னது…

எல்லாம் சரி, ஏன் இன்னும் கூகிள் கனெக்ட் follower ஆப்ஷன் வைக்காம இருக்கீங்க..

நெல்லி. மூர்த்தி சொன்னது…

சாத்தூர் சிங்கம் அவர்களே! தங்களின் ஆலோசனைக்கு நன்றி. தாங்கள் கூறியது போல "நட்புடன் நாடுவோர்" இணைப்பினைக் கொடுத்தாயிற்று! தங்களின் ஆக்கப்பூர்வமான பின்னூட்டங்களை என்றும் நாடுகின்றேன்.

Madhavan Srinivasagopalan சொன்னது…

classic jokes..