நல்ல வேளை… மாட்டுக் கொட்டகையாய் மாத்தாம இருந்தாங்களே…!

அம்பியின் அலப்பறை – 3

டாஸ்மாக்கடையால்மனஉளச்சல்பெண்களைவக்கிரமாககேலிபேசும்குடிமகன்களால்தினமும்தகராறு – தினகரன்

ஏனுங்க… இது ஏதோ இந்த ஆட்சியிலய முளைச்ச மாதிரி சொல்றீங்க! அரசு டாஸ்மார்க்கின் வருமானத்தினை முந்தைய ஜெ. அரசு பிள்ளையார் சுழி போட அதை அமோகமாக அபிவிருத்தி செஞ்ச சாதனை யாருன்னு எல்லாக் ‘குடிமகன்’களுக்கும் தெரியாததா என்ன?!

தலைமை செயலக புதிய கட்டிடத்தை மருத்துவமனை ஆக்குவதில் எனக்கு அதிருப்தி இல்லை – கலைஞர். மு. கருணாநிதி

நல்ல வேளை… மாட்டுக் கொட்டகையாய் மாத்தமா இருந்தாங்களே இந்தம்மா… அதுவரைக்கும் சந்தோஷம் தான்னு இவரு பெருமூச்சுவிடறது நமக்கும் கேட்காமலா இருக்கும்.?!

ஒவ்வொரு குடும்பமும் ஆண்டுக்குக் குறைந்தபட்சம் 20 சிலிண்டர்கள் பயன்படுத்துகின்றன -  மத்திய அமைச்சரவைக்கு ஆய்வுக்குழு தகவல்

என்னங்க நீங்க… பொதுமக்களின் பயன்பாட்டைப் பற்றிச் சொல்லாம உங்க சின்னவீடு, பெரிய வீடு கணக்கையெல்லாம் எடுத்துச் சொல்றீங்க. ஒரு சிலிண்டர் வாங்கினப் பின் அடுத்த சிலிண்டருக்கு 21

 நாள் கழிஞ்ச பின்னதான் பதியமுடியும்ங்கற விதி இருக்கறப்போ அது எப்படிங்க வருடத்துக்கு 20 சிலிண்டர் வரும்? ஹைய்யோ… அய்யோ!

கடந்த 30 ஆண்டுகளாக இன்போசிஸ் நிறுவனத்தில் பணிபுரிந்து வந்த நாராயணமூர்த்தி அந்நிறுவனத்தின் தலைவர் பதவியிலிருந்து நேற்று விலகினார். புதிய தலைவர் மற்றும் பணியாளர்களின் சிறப்பான செயல்பாடுகளால் இன்போசிஸ் நிறுவனம் மேலும் பல உயரங்களை எட்டும் என்றும் அவர் தெரிவித்தார்.

ஏனுங்க… இதே மாதிரி அரசியல்வாதிங்களும் செஞ்சா… நாட்டுக்கு எம்புட்டு நல்லது நடக்கும்.  பதவியிலிருந்து விலகிட்டு வேணும்ன்னா ஆலோசனை மட்டும் தரலாமில்லீங்களா…

Download As PDF